LEIRE RETEGI KONTSERBATORIOKO IKASLEAK DONOSTIARRA-MUSIKENE ORFEOI SARIA JASO DU

Retegiren arabera, bere lanaren helburuetako bat “Leitzako txistulariek egindako bidea ezagutaraztea izan da, Angel Alduntzin, bere garaiko txistularirik ospetsuena, eta Miguel Angel Sagasetaren musika errepertorioan oinarrituta. Nire ikerketaren bidez, Leitzako herritarren eta bertako txistularien artean eraiki den batasuna ezagutu ahal izan dut. Doinu batzuk belaunaldiz belaunaldi igaro dira eta gaur egunera arte iritsi dira “.Era berean, Retegik azpimarratu zuen ikasketen amaierako lanek “ikerketa, pentsamendu kritikoa eta askatasun intelektuala bultzatzen” laguntzen dutela, “funtsezko elementuak baitira bizi garen gizartean, sare sozialek eta adimen artifizialak menderatzen baitute”.

Leire Retegi Fernández Leitzan jaio zen 2002ko apirilaren 24an. Txistu ikasketak Aralar Udal Musika Eskolan hasi zituen Javier Irigoienekin, Iruñeko Pablo Sarasate Kontserbatorioan jarraitu zuen Garaine Jorajuria eta Aitor Urquinarekin (gradu amaierako sariarekin), eta joan den ekainean Musikenen amaitu zituen goi mailako musika ikasketak, Aitor Amilibiaren zuzendaritzapean. Gaur egun Francisco Escudero Kontserbatorioan piano espezialitateko Gradu Profesionala egiten ari da Loreto Aramendirekin, Irakasleen Prestakuntza Masterra ikasten ari da Euskal Herriko Unibertsitatean, txistu irakaslea da Soinueneako herri musika eskolan eta txistularia Leitzako Aurrera dantza taldean.

Donostiarra-Musikene Orfeoia sariak bederatzigarren edizioa du aurten, eta 2014an Orfeoiak eta Musikenek sinatutako lankidetza-hitzarmen baten emaitza da. Hitzarmen horren helburua Musikeneko ikasleen artean Euskal Herriko musika ikerketa sustatzea eta bultzatzea da.