GABON TUBA KONTZERTU SOLIDARIOA
Kaixo guztioi,
Beste urte batez, Azpeitiko Metal Boskoteak eta Euskal Herriko Tuba Komunitateak Gabon Tuba kontzertu berezia eskainiko dudugu. TubaChristmas ekimenean oinarrituta, Kontzertu hau 2013an sortu zen Euskal Herrian, eta lehen edizioa Donostiako Gipuzkoako plazan egin genuen. Harrezkero, Euskal Herriko hainbat tokitan izan gara, besteak beste, Donibane Lohitzunen, Azpeitian, Angelun, Urnietan, Hendaian eta Zestoan, gure instrumentu maiteen soinua zabaltzen eta Gabonetako giroa musika bidez alaitzen.
TubaChristmas mundu osoko hirietan ospatzen den musika kontzertu bat da, tuba familiako instrumentuak jotzen, irakasten edo horientzako musika konposatzen dutenei omenaldia egiteko. Honek tuba, sousafona, bombardinoa eta eufonioa barne hartzen ditu, baina parte-hartzaile batzuek instrumentu arraroagoak ere eramaten dituzte, hala nola, helikona, ofikleidoa, serpentoi eta bi kanpai dituen eufonioa.
1974an sortu zuen Harvey G. Phillipsek bere maisua, William Bell, omentzeko. Lehenengo edizioa New Yorkeko Rockefeller Centerren egin zen, eta 300 musikari baino gehiago elkartu ziren, Gabonetako tradizio berezi baten hasiera markatuz.
Aurten, Gabon Tuba kontzertua ez da musika-emanaldi soil bat izango, baizik eta izaera solidarioa izango du. Duela hilabete DANAren ondorioz kaltetutako Valentziako musika-elkarteei laguntza emateko antolatu dugu. Lortutako diru guztia Espainiako Tuba eta Bombardino Elkarteak (AETYB) hasitako bilketara bideratuko da.
Kontzertua abenduaren 8an, 13:00etan, Azpeitiko Jose Antonio Agirre plazan izango da. Izen-ematea doakoa da, eta hamaiketakoa Azpeitiko Metal Boskoteak ordainduko du.
Parte hartzeko kantak oso errazak dira, lau ahotsetara, beraz, parte hartzera animatzen zaituztegu. Izen-emateak eta ekarpenak egiteko aukera dago ondorengo loturan. Ezin baduzue parte hartu, galdetegia betez ere lagundu dezakezue. https://labur.eus/Gabon_Tuba
Eskerrik asko komunitate honen parte izateagatik. Espero dugu abenduaren 8an berriro elkar ikustea!
Agustín Jiménez,
Azpeitiko Metal Boskoteko lehendakaria
PD: Irudiak, Paiportako Musika bandako egoitzakoak /
